Чарлаттынган Башкының болгаш дагдыныкчының чылынга база 60 маадырларның тура халыышкынының 140 чыл оюнга тураскааткан IV дугаар республика чергелиг «Уран балды» деп ыяштан дүрзүлер чазаар мөөрей доозулган.
Жюриниң үнелээни-биле дараазында мөөрей киржикчилерин номинация аайы-биле шаңнаан:
“Адааннажылгага дидим чоруу дээш” — Аяс Мунзуктуң "Самбажык" деп скульптуразы ( Чыраа-Бажы, Чөөн-Хемчик кожуун);
“Улусчу ёзу-чаңчылдарга бердингени дээш” — Арим Иргиттиң “Үнер бетинде” деп скульптуразы (Мугур-Аксы, Мөңгүн-Тайга кожуун);
“Эң дээре дебют дээш” — Артыш Донгактың "Алдан-Маадыр салгалы бис" деп скульптуразы (Хайыракан, Чөөн-Хемчик кожуун);
“Авторнуң бодалының бир янзызы дээш” — Отчутай Отсурнуң “Базым” деп ажылы (Бай-Даг, Эрзин кожуун);
“Долу композиция дээш” — Омак Донгактың "Килең" деп ажылы ( Ак-Даш, Сүт-Хөл кожуун);
“Көрүңчүнүң үнелели дээш” — Начын Монгуштуң "Салгал" деп ажылы ( Чыраа-Бажы, Чөөн-Хемчик кожуун);
“Эң дээре портрет дүрзүзү дээш” — Бегзи Арат-оолдуң “Хам” деп ажылы (Кызыл хоорай);
“Профессионал уран арга дээш” — Ренат Монгуштуң "Аваларга" деп ажылы (Балгазын, Таңды кожуун);
“Эң дээре сюжеттиг композиция дээш” — Рафаэль Салчактың "Ирбиш" деп ажылы (Мугур-Аксы, Мөңгүн-Тайга кожуун)
Мөөрейниң тиилекчилери:
1-ги чергениң дипломун Тере-Хөл кожууннуң Куңгуртуг суурундан Аракчаа Очурга тывыскан. Ол “Сегиржип алыышкын” деп ажылы дээш 35 муң рубль-биле шаңнаткан.
2-ги чергениң дипломун Тере-Хөл кожууннуң Куңгуртуг суурундан Аңчы Очур алган. Ол Дайынчы аңчы” деп ажылы дээш 25 муң рубль-биле шаңнаткан.
3-кү чергениң дипломунга Сүт-Хөлдүң Кара-Чыраа суурундан Александр Ооржак төлептиг болган. Ол “Хам” деп ажылы дээш 15 муң рубль-биле шаңнаткан.
Бистиң.корр.
ТР-ниң Культура яамызының медээзи-биле
Чуруктарны интернеттен алган.
