Тываның орук ажыл-агый албаннары ийи муң ажыг километр хемчээлдиг республика оруктарын чагган хардан аштап, тайгакка удур бүдүмелди чаштырып, кара даң бажындан орай дүнеге чедир соксаал чок ажылдап турар. Бо хүннерде хар аштаар ажылдарда 130 орук ажылчыны болгаш 70 ажыг техника хаара туттунган. Агаар медээзи-биле бо хүннерде республикага сооктар дыңзып, соңгу-барыын хаттың күжү секундада 15-18, чамдык черлерге 23 метр чедип, оруктарга дүвүлеп, тайгактап болур.
Бир эвес орукка хенертен машиназы үрели бээр болза, чолаачы онза байдал медээзин кыпсып, онза байдал дугайында сагындырып турар орук демдээн хоойлу ёзугаар чогуур черге көскү кылдыр салыр ужурлуг. «Тываавтодор» күрүне албан чериниң 89293580911 дугаарлыг диспетчер албанынче долгааш, байдалды дамчыдар.
Ыңай-бээр чер чоруурда, агаар байдалын баш бурунгаар билип ап турарын сагындырар-дыр бис.
Чолаачыларны руль артынга кичээнгейлиг болурун, ылаңгыя телефонче чардыкпазын кыйгырар-дыр бис. Орук кежип турар чадаг кижилерден база кичээнгейлиг болурун, чылыдыр кеттинерин диледивис.
Тываның Орук-транспорт яамызы.
Яамының чуруу.
“Шын” №7 2026 чылдың февраль 26