Бажыңның крышазындан баткан доң дамдыдан камгаланыр дизе, дамды дегбейн турган айыыл чок орукту шилип алганы дээре. Үстүнден дааш дыңнап кааш, бажыңның ханазынга чыпшынып туруп алыр ийикпе азы шуут-ла бажыңдан ырадыр маңнап чоруптар. Бажын холдары-биле азы сумка-биле камгалап алыр.
Бир эвес берттиниишкинни дөмей-ле ап, мага-боттуң изии 37,5 градус ажа берзе, хирургтуң сүмези тоң чугула, чүге дизе иштики органнар берттинген чадавас.
Доң дамды башка кээп дүшкен болза? Мээге берттиниишкинниң кол им-демдектери – куску келдирер болгаш кустурар, баш аартыр. Медерел балараар, карактың көстүрү баксыраар. Ол бүгү баш мээзиниң элээн берттингенин херечилээр.
Уругга тайбас идикти кеттириңер: чымчак резинадан азы ээжээ чок термоэластопластиктен кылган кидиргей улдуңнуг болза эки.
Бистиң корр.
«Шын» №19 2024 чылдың март 13